開心的開始2014ॲ
2013年咁就過左啦，記得以前每年年尾都會寫一篇大事回顧，記下一年開心和唔開心的事。回想起2013年，真係發生左好多事令我的生活有了重大的轉變，再次對自己作出誠實的表現，有扎掙，有擔心，有苦惱…..呢一年對我黎講真係百般滋味，幸好，上天對我真係好好，加上我保持思想積極態度！回頭過後想起真係得來不易。
2013年的開始，是由2012年結尾帶落黎的，表面上我很快樂，別人眼中我也很快樂，但每天或某一d時候我都會懷疑自己，是否真係選對了？為甚麼心裏還有些不安感？對著那個他，我投入不來，盡管我努力去嘗試，心裏都在扎掙著，加上越來越發現彼此的思想和性格有著重大的不同，大家也不相讓，結果就是分開收場了。
雖然別人眼中我是悲慘的，但其實，從那一刻的開始，我才是真正的活過來，我才深深感受到真正的自由。雖然沒有人關注自己，但內心的喜悅真係無法可形容，那陣子我喜歡做甚麼就做甚麼，喜歡留在家做宅女無人理，有時約朋友出街食飯又係另一種歡喜！我要襯這個時候做回真正的自己！
但偶然我也會有寂寞的時候，看見別人一雙一對，盡會有點酸溜溜的感覺，自己年紀也不少了，會問自己，「其實你想唔想有個人喜歡自己呢？」但我又會諗，以現在我的情況實在不樂觀，朋友不多，而且都要看緣份，就算身邊有很多選擇，如果真係夾不來，有一籮比你揀又點？問題始終都會發生…..
有些事就算我諗幾年都唔會有結果，所以我只能將自己做好，保持樂觀的心態，我對愛情仍然充滿憧憬和幻想，我對將來的伴侶都有一個概念，現在要做的是調節心理，讓自己心理上有這個條件去遇上一個適合自己的人。我用「適合」，係因為我要找的不是一個最好的人，適合也很重要，兩個人性格和觀點都要配合到，相處才會事半功倍！
我覺得世事真係難料，只要你真心想搵到一樣野，你的渴求就是一道磁場，會好自然地令你吸引到一些想注意到o既野，我深信自己一定可以做到，雖然偶然會有點迷茫，覺得不太可能，但的確要相信自己才能成功呢。
朋友介紹男仔比我識，初時覺得還可以，但問心個句，其實真的不太適合自己，好像不能做回自己似的，沒有一種親切的感覺，像距離很遠….雖然那時我是單身，但唔想因為想有人陪自己而亂抉擇，結果還是保留那個位置，唔想迫自己。
那時都有點唔開心，但緣份未到的話，真的不想迫自己，嘗試放開自己去唔諗，好好享受單身的日子，雖然身邊的人都為我擔心，但我最清楚自己，如果我要的是開心，那就做一些自己覺得開心的事。
同一時間阿衡就慢慢進入我的生活裏，我們係公司見到都會談一談，知道佢試過獨自自由行，而我也很想試一試，於是一見到佢都會問下佢，傾傾下又傾左其他野，跟住無端端熟左。
慣性一見到面就會傾計，開始習慣有呢個人的存在，開始在意那個人的行蹤，開始嘗試與他約會，到變成了一個定期約會…..
好似都好順利啊，回想起2013年頭到和阿衡一齊已經是11個月的事，想起同俊分開，是2012年的事，原來都已經成年有多了…..我知道自己有過一個經歷，一個似是很長的經歷，迫使自己諗了很多東西，嘗試左好多野。其實人係要不斷反醒才有進步，如果我當初只係回望過去，懷念從前，我根本不能認識阿衡，人要向前才有進步，遇見阿衡係我的一大幸福！
2014年，期望和阿衡的感情越來越好，越來越愛對方！希望我地都身體健康，開開心心，工作順利^^。屋企人要和和氣氣，身體健康。朋友們都要健健康康呀！我都希望呢年可以有機會認識到新朋友，廣闊社交圈子！