10年

上星期四去左薄扶林頂更，個日係好凍的，記得只係16度，相信山上面係會更凍，企左係度等過馬路，吹到我頭都甩呀，好彩個日都著多左衫，唔係真係會凍病呢！本來都幾驚去個度頂更架，因為個度係大局，好多野都唔同我間局的做法，好彩阿怡係度，可以問下佢，有個人係度陪住我係好d o既….

好彩個日都順利過渡，感謝主呀！8號要再去多次添，到時阿怡唔係度架啦，希望都一樣咁順利啦！

現在工作的態度和以前很不同，以前我總諗將來前途、轉型、或者諗下可唔可以做到一d自己喜愛的工作，但原來要做到咁真係好難，唔係我唔想，而係事實話我知達到這一點係好難，就算比我達到了，又會再有其他問題出現，其實到頭來也是一樣的….經過這幾年的風風浪浪，我終於明白其實一切都為錢吧，只要那份工穩定，有糧出，就已經好好了，雖然我職位低，但我還可以盡一點綿力，可以幫到幾多，就盡力去做，即使這小小的貢獻，受到別人的認同已經好好。我還是會很感激的，我覺得上天對我好好，我想要的工作佢都比到我，我會盡力的！我知道自己的位置在那，會係呢個小小位置上做到最好。

上星期日同左海燕、佢家姐和阿銘行山，第一次見阿銘但很搞笑，本來未見過佢，唔識佢，但原來我地係地鐵出口只係企係對方前面，一同等緊海燕出現！好彩我無做d咩乞人憎野啫，哈哈！

個日天氣也不穩，有少少雨點，去到香港仔也找了很耐也找不到上山的路，好彩遇到有心人教我地，終於都順利行左上去南朗山！
如果天氣好的話，風景應該不錯，可以望到海洋公園，可以望到大海和山，但當日太大霧，也有少少雨，山路也變得滑，好彩最後都順利完成，但我對波鞋就慘d，個底有少少甩….

都著左10年了，記得個時還讀緊IVE，那日和Eva去銅鑼灣地帶買的，還記得$399！好平！而且係粉紅色，非常特別呢！好女仔架。

但佢終於都要離開我了，感激佢一路都陪住我，需要佢的時候佢真係幫我很大忙，做運動也不少得佢，10年了，有人會著一對鞋10年嗎？
我對每事每物都充滿感情，有一天大家要分開，就會回想當日我買它回來的興奮和期待，到要爛了，要掉了，還是要講一句可惜，事物也會有折舊的一日，幾唔捨得，佢本來幾可愛，幾令我動心過，始終有一日佢會爛…..

以前收過的禮物，我大都不捨得用，怕有一天佢會爛，爛了就要掉，所以，我喜歡的東西都只會收埋，好好的保存住佢…..曾有人投訴，送比我d野唔用，但我真的不捨得用，就算用左都會清潔好佢，希望佢保持住新淨！因為我真的不想失去。但有人會明白嗎？