洗錢日

今日無咩特別野做，只係下午約咗去睇牙，不過都係樓下附近啫。

唔知係咪自己手神唔好，點解今次揀呢間個醫生比我的感覺唔太好，雖然我唔知點為之好，但呢個醫生好似只係想快快手見完我就想趕我走咁，好彩我之前都有上網做下資料搜集，唔係真係會比佢o既意見嚇親。

我最怕遇著D講野一半真一半假的人，都唔係好真心想幫我咁，下下都講錢，以為我乜都唔識乜都唔知咁，我當下無點講D咩，只係講「係咩？｣「原來係咁｣，唔想同你爭辯D乜，因為我已經唔覺得佢係真心想比D咩意見我，明明預約時話有preview服務，結果乜都無，我真心覺得呢間診所好有問題，個d係咪真係醫生黎架….？

咁就$200….認真乜都無做過….

我記得以前係中環個間牙科診所d醫生幾好，好細心，其實我分別好與不好只係人的問題，我不是專業，但都起碼知咩叫令人舒服，咩人係誠懇。不過當然，中環個間收費係貴好多，難道d人做野好與否係用錢衡量嗎？但我仍然覺得係關個人問題….如果我有呢個專業，我先唔會整臭自己個招牌，我也想其他人覺得我好，下次再來幫襯我吧！可能我諗野有點老土，其他人或者覺得我很無知，但我有心係呢行立足，緊係想做好個批啦。
跟住去左太古行下，食個tea飲杯咖啡又一日啦。

呢年我特別喜歡去飲咖啡，但我又唔係好有研究個d，只係好想找一個地方靜靜地坐底消磨下，去一d細細間或者自閉式的cafe shop就最啱我啦。有時去一d從未去過的地方坐底，食一d平時好少食到的食物，都幾舒服和得意。我發覺咁o既生活令我的心情變好，或者唔係話變唔變好的問題，係好似有咗一個小目標咁，好想好想去做一件事，好想身在其中去享受一d經歷，我會覺得好開心，因為我知道自己喜歡攝影，影小物件，影日常生活的相片。所以每逢假日如果無人約，我都會諗下有無咩咖啡室可以去下，最後比我坐得耐一點，環境又美的地方^^

情人節快到了，今年我無情人陪我，應該話呢2年情人節也沒有情人，但唔需要擔心o既，如果同一個錯的人共渡呢日，可不必靜待一個對自己好的人，咁過呢日才叫開心吧^^

以前我對呢一日都好期待，好希望對方會為今日作好準備，我又會為呢日準備好小禮物，其實目標都只係想大家一齊高高興興，在呢段關係上留下一個開心的回憶吧，我還記得那個期待的心情，不過唔會沉迷去回想當年，留在我心中的只係期待的心情，個人太「懷舊｣也不是一件好事呢^^”

p.s. 今日又買咗支香水= =”其實我已經有好幾支了….用極都用唔哂還買。但我發覺對香水真係又愛又恨，很喜歡不同的花味，配合不同人的氣質和性格，可以更加提升到每個人的特質！我最喜歡花味香水，太甜味我不喜歡，胭指粉太重又唔啱我外型，我喜歡特別花味而且要帶清新，不懂形容，人人也喜歡chanel No.5，但我聞過都唔啱我，太女人了，雖然好火紅啫，但都唔係人人啱囉，還是買返啱自己特質的吧。^^

對。今日洗了很多錢^^””””