假工幹(一)

突然收到話要回深圳工幹，幫東華在屯門的小學擺攤位宣傳。
地點是在南山區，起初只知近世界之窗，坐的士時也不知位置在哪裡…..
原來就是在南山書城旁邊。
本以為要工作到傍晚，誰不知到了中午時校長已經叫我地走。
即係只做了2個小時。
和同事在附近吃午餐，2個人真是吃不了多少東西。
之後在附近逛逛，在超市買了「動L」洗頭水，夠無厘頭吧！
還有試飲了大陸的果粒橙，和香港的分別不大，一樣咁甜！
不過無買大枝回來，雖然只係6蚊人仔一枝……
之後出去行，見到有些結婚拍攝公司，向我地兜生意…..
我和同事細細聲講：「乜一男一女行街就係情侶？」
哈，同事笑說去看他們的樣版，對著那些新娘指點下。
之後去南山書城睇下，第一次去。
又有星巴克！
呢個書城唔係大，不過書種幾好，能看到我想看的書。
看到佛學的書，也看到攝影的書。
有兩本台灣作者的女像攝影書，幾想買，不過加埋要二百蚊人仔……..雖然可以簽卡買，不過都係忍手冷靜下先！
呢個書城唔錯，不過南山區實在幾難去，附近亦無乜好睇。
有機會會再去仔細看書。
最後坐的士去深圳灣口岸過關，又係第一次去呢個關口。
雖然要轉車，但呢個關口回家實在太方便。
一出關坐巴士15分鐘已經回到屯門落車，又平又快。
結果我終於去過晒深圳四個書城，亦都用過四個口岸出入境。
最愛的書城還是購書中心。
最快到的是深圳灣口岸，但少人又方便的還是福田口岸。