好傷心既一日

我跟他正式分手。唔會再有然後了。
佢好決斷, 但亦用了相對溫柔方式。今日佢去買了一個飯盒俾我, 另外將本來我們之間既互相交換定情信物,真的給我帶回來。

於是見佢話重, 咪俾佢上黎廚房傾。什麼事也沒有發生過。
大家表達了對大家的感覺和看法。原來係佢眼中, 我係好好, 好到其實佢好想擁有我。

但現在佢的情況可能比之前差, 跟太太之間沒有挽回的可能。並且想離婚或2,3 年內完成。
加上protest 後我和bobby 關係其實係好左。佢覺得無留底既需要。

佢希望和平分開, 將來做番朋友, 仍可以食飯, 傾計,做樹洞, 睇我的v7 留言,睇我的功課和email。
只係大家唔會有性關係。佢覺得咁樣對我先係最好。

我好難受, 其實我接受唔到。但選擇權唔係我手上。
我問佢, 咁你收埋我, 收係心裡面吧, 唔通連小小既空間都容納唔到我嗎?
那一刻我跟佢講, 我覺得自己好卑微。佢好surprise (可能佢應該自卑過), 佢話佢無意令我卑微。

佢曾經衝口而出講左句, 咁不如我應承你, 我陪你直到你讀完個碩士為止。
其實我當時好開心。但好快問題又黎了, 你陪, 即係又令我放唔底段關係吧。
我拒絕了。我答佢, 過埋今日, 我唔會再搵你了, 可能短期都唔搵。我有事我會搵水泡叔叔了, 但我好肯定我唔會鐘意佢。佢聽完話咁咪好lor。

今日我鼓起勇氣, 終於做到一次係佢食完公司飯局, 飲左d 酒, 然後見到我。
不過佢無攬我。係間中拖住了。
我諗我地既火花熄滅了。其中是因為佢的錯誤思想和錯誤性觀念。

我係唔會原諒佢的。我要好好令自己渡過失戀的時間。

陳珊珊上
2020年1月2日