Merry Christmas

聖誕節是我最喜歡的節日，沒甚麼原因，只是人大了，無乜慶唔慶祝，只是覺得節日氣氛很濃厚，我喜歡呢種感覺，雖然呢兩年都無乜野做，只係簡單食個飯，行下街買下野我已經好開心了。

以前對呢日會好期待，期待他會為今日安排咩節目呢？我買咩禮物送比佢呢？今日會過得開心嗎？

但總是希望越大失望也越大，有他在我反而不開心，因為他的心早已不在。

既然要和一個不太愛你的人過呢日，其實一個人靜靜的過反而更開心，起碼我是最懂自己的人，我知道點令自己開心。

這還是對從前和對將來有一個機會比我反思。

我不要求其有人陪我，找個人去花掉時間就算，我希望他是最懂我，最珍惜我的人，其實不用過甚麼節日，只係待在他身旁，甚麼也不做，其實對我來說也是舒服的，因為我知佢唔會離開我，佢是想我開心的人。

過咩節日都好，甚至只係一個普通的日子也好，我從來不貪心，我成日都諗，做一個簡單的人最快樂，我可以為食到碟頭飯而有滿足感，為煮到一餐飯比自己食而沾沾自喜，放工後很想快點回家煮飯，然後諗落唔落街行下，買下零食，又會好開心。

就算身邊未必經常遇到好人好事，但我仍然慶幸，仍然期待著將來的自己，會遇到更喜歡我的人，我明白身邊未必人人對自己好，有些人比較表面，有些人只想在我身上找著數，他們付出的不是真心，但我仍然會等待一個心地善良，為我付出真心和行動的人。

或許我不夠完美，但不緊要，因為我也不需要他完美，我要的不是完美，我要一個和我一樣簡單的人。

我會記住這份期待。

不易的，我明白，也就是因為不易，得來過後更懂珍惜，呢點我經歷過，只想找一個一樣懂珍惜的人。

祝福自己，聖誕快樂🎄💕