身前身後事

再歐遊前, 我想打好左呢篇身前身後事

昨天同弟傾, 頓然覺得自己都算安排好自己的事

手上已經有2份保險, 好似70萬左右的危疾

IN CASE用左, 我死後都仲有10幾萬做後事

我就唔使上位啦, 記念花園撤左我就可以,

唔好撤我落海, 因為我唔識游水

另外, 我都同我弟講,

如果我真係早死, 我老公好快搵到第2個女都好, 唔好嬲佢

做咩要人守寡咁老土姐, 我死佢未死,

人世仲流流長, 佢搵到第2個人陪佢, 照顧佢, 都係好事

重要既事, 要病, 要死, 都安排好

依家我似乎最怕的唔係死

係死唔去, 又退左休冇能力搵錢咁點算

馬安山都30幾年樓, 要住到我老死, 應該好難

老左冇屋住唔知點算, 住老人院都要錢又要有位

我都唔想自己執紙皮咁辛苦, 何況應該紙皮都冇得我執

遲下搬返馬安山後, 錢多返D, 真係要好好搵D野投資下, 令自己晚年唔好咁坎坷先得

.

又另外, 早2日睇VIU有個節目, 佢地話可以燒定野比自己

咁我又唔生仔, 死左都冇人拜

都真係要諗下, 好唔好燒定比自己….唔係做鬼都唔靈啊….HAHAHA