即管一試

尋晚因為喉嚨唔舒服攪到成晚訓得唔好,為左口腹之慾攪成咁,都唔知值唔值!

今日下晝要去理大見工,之前對呢份工都冇乜期望,一來呢份係EO職位,我都係第一次見呢個職級的工,自己好明顯冇乜經驗,所以佢請我的機會應該唔高;二來呢份係同宿舍管理有關,佢講明要輪班同不定期留宿,好明顯極唔適合生活十分有規律同黐家的我,之前send信都係本住send左先算的心態,冇諗過佢會in我!今日先做面試,約左四點,但四點十先有得見,點解唔比我考左筆試先?咁樣實在太浪費時間!今次面試表現都係一般,主要係份工需要的經驗唔係好夠,同埋我冇住過宿舍,所以未in都已經可以certify!之後一個鐘筆試,寫兩封信,唔算難,不過我寫得好少,我見其他人好似寫左好多,唔知係咪因為我成日都寫咁少野所以到而家都未搵到工?見埋呢份工,可以暫時收爐,馬年再出擊,希望可以馬到功成!