今年第一擊

今個星期又開始番「正常」的補習生活,不過一開始又遇到不如意事,個學生竟然遲大到半個鐘,好彩佢都照計番人工比我,如果唔係就蝕晒!

今日要去教院見工,2014第一次,希望有個好開始!不過搭巴士入去時竟然比個司機串我,話我太遲先揮手截車,架巴士都未入個站既範圍我已經揮手,佢都話遲,後來我發現佢泊車埋站的技術真係差劣,自己技術差又賴我,有冇攪錯!去到先考筆試,唔係咁識做,我都係用番上年的經驗去做,唔知係咪佢想要既野。面試表現都OK,不過都係那句,唔好抱咁大期望,免得再令自己傷心多一次!見完工趕去沙田補習,今堂開始有錢收,唔駛再比agent食,我要勤力D搵番多D錢,收復番之前的失地!

天氣凍左咁耐,真係凍到冇晒感覺,今年好似比往年冇咁怕凍,係我強壯左,定只係錯覺?