回顧2013

2013 最後一天,循例都要做下回顧。年初感情上和事業上的重擊已預示著今年不會是一個好的年份,事實果然如此,可以說是「開壞左個頭」。冇幾耐身體又出問題,攪 左差不多半年先攪得掂。之後開始搵工,機會唔算少,不過一係自己冇把握到,一係唔知咩原因贏形勢輸波,命運好似專同我作對!搵唔到工,諗住補習吊下命,唔 知係咪個天覺得我唔應該有錢駛,D學生一次一次咁skip堂,原本一星期一堂變做兩至三星期一堂,有個補左兩個月就「失蹤」左,有個第一堂上到佢屋企就話 請左另一個老師而叫我走,我真係從來未試過有一個時期會係咁黑!今年的黑事件真係無日無之,不過既然係唔開心既事,就無謂再回望,要徹底在記憶中刪除……

今 年最重要的一件事相信就係改名呢個舉動,考慮左幾年,終於在今年8月決定改掉用了31年的名字,謝慧雯正式進入歷史。改名的其中一個原因係想轉一轉運,因 為覺得自己自從畢業後的命運都不太好,事業還在浮浮沉沉,當和我同期的同事早已成為鐵飯碗退休後坐享幾百粒公積金,我每年還在為找工作而苦苦掙扎,現今還 在經歷人生中的第二次失業之苦;當比我年紀還小的已結婚生子為子女找學校而煩惱,我還是跟桃花絕緣;當朋友們計劃假期到哪裡旅行時,我就為自己的健康發 愁,為自己的身體問題所帶來的龐大開支而心痛,看一場戲對我來說已算奢侈,搭飛機去旅行簡直是癡人說夢!很多人都勸我不要想自己失去的,應多想自己還擁有 甚麼,但這些真的是我應該承受的嗎?有人會明白我的心情嗎?

改左名四個多月,好運未有衰運一大堆,暫時仲未知呢個決定係咪正確,只希望2014新一年會有一個好的開始,至少,能讓我找到一份工作吧

再見苦澀的2013年,期待2014年會有苦盡甘來、否極泰來的一天