歡喜與失落

今日又有工見,今次係體育學院,職位係運動員事務主任,之前都冇諗過會有得見,可能係我同體育完全沾不上邊,不過既然有得見,就當係bonus!今日又係先考筆試,收到卷後呆坐數分鐘,雖然唔難但唔知從何入手,我見另一應徵者一收到卷就狂打字,就算唔睇得都嚇得,一場好好的心理戰!後來我發覺類似答案原來在網頁入面有,我亦都有係咁依睇過,不過冇詳細記低,其實我估佢應該唔係想我地照搬網頁d野,而係提出另外一d意見,好似考AO/EO咁,會唔會冇睇反而仲好?結果我根據自己的理解去寫,不過因為唔係好夠時間而寫左唔係好多!之後面試時間表現都ok,難得係用國語講的部分都算唔錯,不過就比佢最後一條問題難到,我記得個ad係有寫到類似既野,不過我唔記得左個確實字眼,所以冇去搵資料,呢個故事教訓我send完application後一定要keep番個ad,到見工時真係會有用!今次呢份都覺得自己有d機會,但筆試那關真係有d危機,不過就算過左都仲有second in,所以一d都唔容易!

見完工後由火炭行去沙田,去拎返我9月時整左的回鄉卡,因為唔想浪費車錢特登出去拎,攪到而家先去拎!

返到屋企收到體院電話,以為叫我去second in,點知原來係我申請的另一個職位都有得in,雖然都算係好消息,我諗佢叫我second in我會開心好多!