重遊科大

今朝一早要入科大見工,D時間預到好鬆,結果早到左半個鐘!唔駛等好耐就有得見,問既野都係差不多,不過今次答得麻麻地,因為份工都幾低級,佢覺得我會唔肯屈就做呢份工,而且個叫價佢應該會覺得太高,所以我可以好肯定佢唔會請我,而且我都唔係好鍾意呢份工,職位同人工低都算,返工又遠,所以今次又係到此一遊!相隔四年又再一次踏入科大,好多野都變左,巴士站分左兩個,走既時候要行一大段路先去到巴士站,極唔方便!不過有樣野係冇變,當年我至愛的蕃茄芝士飛碟竟然冇加價,仲係賣$14,可惜我因為有飯食而冇買到,如果下次有機會再入去一定要買!