猶疑的考試

今日因為要考AO/EO聯合招聘考試而暫停所有治療兼同一場補習,難得星期六朝早可以留係屋企。雖然一早報左個考試,不過呢幾日都掙扎緊去唔去考好,主要係我覺得自己一定考唔到,已經唔記得考左幾多次,冇一次突破到筆試,所以唔想浪費時間,不過到最後都係去左考,反正呢排搵親D工都要考筆試,就當係練習練習!

今次要去上水考,份卷我覺得係我考過咁多份以來最淺的一份,可能係近年教左通識,令我多左留意時事同多左思考,所以唔似以前做卷時坐左半個鐘都唔知份卷講乜。今次亦都係第一次做得晒成份卷,不過之前諗住早走但最後都唔得,佢數卷又數得耐,攪到七點幾先返到屋企!今次算係我做得最滿意的一份,不過要突破筆試呢關應該仲有D距離,所以考完就算唔諗咁多!