請覆我

尋日趁住崇光特價週出左去湊熱鬧,目標係買衫,特別係外套、褸之類的。之前同自己講話要搵到工先可以買衫,但打開衣櫃發覺揀無揀,以前成日著的已經殘了很多,仲有一撻撻漬,已經可以報銷,雖然而家冇工返對衫的需求唔大,但點都要買番D儲備,所以我就本住「工欲善其事，必先利其器」的原則去買,加上前排代課賺左少少,一於豁出去買!最後買左一件褸,雖然未達預期目標,但都叫做有收獲,留返D彈藥下星期到一田血拼!

今日無事做留在家,預備聽日的面試,不過其實冇乜野好預備,只係睇下個部門的網頁,希望可以快點有好消息!

最討厭D人收到人訊息又唔覆,大又係咁細又係咁,就算唔補習都覆番一兩句,咁樣拖住人究竟想點?咁即係繼唔繼續?我唔會再問,你補就補唔補就算,我又唔係靠你開飯,緊張既就唔該主動D,呢一代就係比人縱壞!另一個走左唔通知人都算,又唔講幾時返,唔知係咪想走數,迫我要打去CS作半投訴,我誓要保衛自己的利益!