我的最愛

阿衡終於都由日本返黎啦！雖然只係一個星期o既事，但已經好似好耐無見咁啦…..

呢幾日都只可以同佢message，還要到夜晚先可以傾到計，每朝佢都要6:00am起床，所以我地都唔會傾太耐，雖然無得見面係好孤單，但我們的心是連在一起，我唔想因為自己而不準佢同朋友或者阿哥外遊，因為我都想佢快樂，想佢無壓力咁做一d覺得開心o既事。2個人一齊也要有自己的空間和朋友聚一聚的時間，之後大家見面會更有話題，不過我都有孤單的時候，也是正常呀，因為呢幾日我真係好掛住佢呀，唔可以係佢身邊一齊欣賞美麗的景色，始終都有點唔完美….阿衡係機場話見到我想要個條裙，於是幫我買左，比起香港真係平好多！好多謝佢咁有心，咁趕都買野比我^^

尋晚阿衡終於都返黎啦，知道佢拎住好多野，好多手信呀，只係執野都執左好耐。太耐無見，雖然返到黎都未有得見面，但都好想聽下佢把聲呀，諗住夜晚傾電話^^

第一次同阿衡傾電話，但我等左好耐呀，等到都12點幾佢都未有時間，本來都諗住算數上床訓覺啦，點知阿衡無端端打黎喎^^

一聽到佢把聲真係好開心呀^^，原來佢落左街係樓下公園陪我傾電話，咁凍佢都落街，真係辛苦佢啦，不過我們太多野想傾啦，幾日無見已經令我地掛住對方，真係好痴纏呀^^"至搞笑佢係樓下無端端比警察查身份證！哈哈哈！當然啦，夜麻麻係條街又唔知做咩喎，個警察又好搞笑咁問佢身份證張相做咩咁「陽光」！哈哈！

傾左1個鐘，唔捨得都要收線啦，天氣咁凍都唔應該係街留連^^。
親愛的，我們很快就見面啦^^