煎熬的一天

人生真係無常，如果我話比你知你只餘下1天的命，你會相信嗎？

消息來得如此的突然，本來我還以為自己未醒，定一定神才真這是真的…..

星期五下午還同你講左兩句說話，一齊都好地地的，點解隔了數小時後，你卻離大家而去呢？令我真正的理解到，人唔係一定有明天，所以要好好活在當下，珍惜身邊的人。

想像到佢o既妻子係幾傷心，自己的老伴一夜間離她而去，可能還有很多愛對方的說話還未講，可能有很多事情也未計劃和他一一實行，還有很多的承諾未兌現….

我不肯想像下去，我唔可以想像呢一切發生係我身上會點，突然想起阿衡，有點擔心佢，他還在日本，唔知佢依家點呢？

前晚阿衡send來一張相，佢話第三夜去住民宿，但比我見到佢阿哥帶來一齊去旅行的朋友是個女仔，阿衡由頭到尾都無同我講過，我本以為是個男仔所以無心問，但最後在相中才得知，心裏很難過….

雖然我知佢無野，如果有野佢都唔會send張相比我睇，但2 pair人，2男2女，佢大佬和阿嫂一對，那阿衡和那女仔，咁咪每日都見住面囉？成件事令我胡思亂想了一整天，心裏不斷幻想，點解阿衡無同我講同行是個女仔呢？我還記得那日的心情是一片落寞…..

直至夜晚阿衡send message比我，我才講出我一整天的感受，如果我再唔講，我相信我真係會爆，阿衡唔知道我有呢個反應，開頭還講笑咁講，但我又點會笑得出呢？佢得知後才安慰我，其實我知佢個心諗乜的，如果一開始講比我知那個人是女仔，我一定會思想亂想，所以寧願唔講，但好多時都係由我發現真相，所以那個打擊往往是很大的….

唔通佢覺得可以隱瞞我一世嗎？其實如果你一早講，起碼我有個心理準備，但由我來發現，真係會令我唔開心的。

但女仔總是心太軟，得知阿衡知道自己不對，知道我唔開心也沒有心機，我都唔捨得佢咁，其實我唔係怕佢做d咩，只係唔開心點解佢對我唔夠坦白，講真，就算佢地無咩事，我覺得佢大佬叫個女仔同行，實係因為想比機會佢地(佢大佬未知阿衡有我了)，如果個女仔有咩歪念，到時實有排煩！女仔的第六感很靈通的！而幻想力之驚人也很可怕！

有機會要再同阿衡講，兩個人一齊如果要暪住收埋d野，係幾咁辛苦？如果想我long term發展，大家坦誠相對是幾咁重要！

一句對不起把我那天的落寞心情都收返哂，情侶之間有人會退一步去諗，是多麼的重要，如果2個人也企硬對大家的關係都唔會好！我的心真係很軟，當聽到那句對不起時，其實我都會反醒自己，有些事我可以冷靜少少，可以減低胡思亂想的機會，有些事唔係無彎轉的，要多「反回現實」，相信自己的感覺！