就這樣的開始

今日阿衡約左我去參觀禮賓府，順道周圍行下食下野，阿衡第一次黎禮賓府，感覺好特別呀，記得前年我自己一個人黎，那年的花比今年的靚，而且今年無咁迫，可能宣傳不足吧！好似無咩人知今日係開放日咁。

今日都影左好多相，阿衡很驕傲地展示佢幫我影的那張相。佢都成日讚我，有時都唔知信唔信好，但佢個語氣又真係好真誠架喎，但因為佢太認真去讚我，有時都令我有些唔好意思^^"

天氣明明係好熱又好陽光，唔明做咩天文台話今日落雨又轉涼呢？根本無呢件事喎，我還著了冷衫，諗住晚少少會轉涼，但今日勁曬，結果搞到出哂汗添^^，當減肥吧！

基本上禮賓府開放出黎的地方其實不大，所以好快就行哂啦。我地係中上環四圍逛，本來諗住食「勝香園」但原來星期日係關門o既！結果很白痴地摸門釘啦。見對面有間食拉麵好似幾好味喎，結果食左個幾飽o既午餐。

其實都係有意無意之間，我之後才發現原來我們十指緊扣行左成段路，不過我們都是內歛的人，也沒有講過甚麼，只係輕輕咁拖住大家，有時甩左手，又唔知好唔好拖返，不過都唔知幾時又會發覺拖返o既^^"

當一個人很想對方成為自己的唯一，都會對那段感情小心奕奕，生怕會令對方唔開心，生怕自己做左d咩事令對方唔開心…..

今日和他行的每段路都充滿期待，也很開心^^，我覺得他是一個可信的人，可以讓我依靠的人。雖然佢係局入面唔係精英份子，但呢樣野唔係我鐘意佢的重點，我只係想簡單去愛一個我值得附托終生的人，其他因素對我黎講一點都不介意，只要佢是愛我一個人就足夠了。

夜晚上環下雨，我們都沒有帶傘，沖入一間舖頭避雨，擺明係運吉，好彩對方都沒有介意，因為大家都係hea等，佢地等收工，我地等停雨^^
我沒有看過阿衡發過半點皮氣，沒有因為少少的不如意而黑面，因為他都是個樂觀的人，這很感染到我。我本來都是一個正面的人，但亦係一個好受別人影響的人，對方的性格很容易影響我的情緒，相信這也是一對戀人能否長久而走下去的主要因素。阿衡面對一些唔如意事的確很失落，這很正常，但很快他就會向好方面諗，我會估到佢想法，然後講一d正面的說話，叫佢加油不要灰心。其實有人明白自己是好事，有些事男人唔想擺出來講，但做女人的亦要看得透澈，適當的時候比些正能量比佢，佢應該會明白到的。

我們企左半個鐘都未有停雨，於是攞了2本免費的雜誌沖左出去^^"，很浪漫吧？但其實有少少狼狽！哈哈！

我們決定落銅鑼灣食飯，本來去食咖哩飯架，但搵唔到呀，於是我提議去UCC。突然間想食沙津，UCC個自助沙津吧係我的至愛。阿衡未去過UCC但最後都愛上呀！今次揀係呢度食飯真係好好，我們有很多時間談天，講講下就講左以前d事，阿衡比我的反應都會正面，我很感激他！咩都好啦，總之感激！

傾到差唔多12:00am啦，阿衡陪我返屋企，我們又係樓下傾左好耐，傾到3:xxam！很凍呀，吹起大風，但我們有很多說話好似傾唔哂咁，他又談談自己從前的事，我們彼此了解對方更多呢，很少從他口中得知從前的事，他對我說證明佢係相信我，將佢至真的一面表露在我眼前，亦都表示佢係對我有意思的…..

真係要走啦，我們輕輕的抱著對方，但他始終沒有開聲提問，我便問他有沒有事要對我說呢？他又吞吞吐吐，然後失驚無神向我吻了過去…..
雖然他沒有說甚麼，但我是明白的，心裏有十萬個喜悅。

一切都似是一個夢，但這個夢是真實地發生著，我們見證一段關係的開始，我們究竟幾時開始對對方有意思呢？真係要慢慢回味從前的細節才能找出來，我們是很自然的發展。

夜了，我真的要睡了…..希望真的發個好夢吧。