愉景灣遊

今日星期日係大好天！雖然天氣凍左少少，但大大個太陽正正補充到我溫暖！

尋晚本來要同阿衡相量今日行程，但因為我實在太累了，竟然訓著左！一直訓到天光呢^^"，真係唔好意思呀…..阿衡佢半夜還message我問我洗唔洗朝早出發會好d，第二朝我一早7:00am起身，快快手著好衫，免得到時起程又擔誤左d時間啦，我真係好乖呀^^

好彩阿衡都好知醒，加上我是穩陣派，一早搞好哂d野等出發。我地約左係中環等，阿衡晨早出左去，諗住我地去香港站間「添好運」食點心^^，但可惜我不懂路行過去，又很白痴地出錯出口…..不過算啦，阿衡話「添好運」已經比賓賓攻陷！還是遲d先食了。阿衡叫我係環球中心等佢，但那裏又已被賓賓攻陷！致身其中，也不知自己去了菲律賓，還是在香港了。

周圍也是人，真係好難搵到阿衡，咁好彩比我離遠見到佢，但人太多了，我覺得自己好似上演緊一幕萬里尋親一樣，係人海茫茫之中找到那個人了！努力向前行捉住佢，今日真係好彩呀^^

由於想早少少入去，但又搵唔到咩野食，阿衡好似唔好意思叫我去食麥記咁，但我真的不介意呢，我覺得食咩都無所謂啦，想趕到那班船麻，買外賣上去食也很開心呀。但阿衡都不太好麥記，唔係覺得佢cheap，而係覺得無咩興趣，茶記好過佢，佢覺得唔太好食添，可能幾個月才會食一次！

船程25分鐘，好快就去到愉景灣啦^^，真係一個好好的渡假地方，起碼我見不到自由行，外國人比較多，真係會比市區寧靜不少呢！

我很喜歡尋幽探秘！四周行下就至喜歡。今日第一個行程去看那隻大船，行左半個鐘去目的地，但結果船不見啦，比我地見到兩隻勁大隻馬！又見到間好靚的行禮教堂仔，真係好優雅呢！我很喜歡啊>_<

期間有一班人好似玩緊running man，佢地搵極都搵唔到支旗比我和阿衡搵到^^，我地還同支旗影相添，真係好搞笑呀^^

下個活動去行山，真係人都癲呀，無端端會諗個節目去行山都有^^"，但應該不太難的。我地首先食左野先，去左食鬼佬pizza，勁大塊，我地叫左8份1塊兩個人食，叫埋個沙津添，好味道呀^^。係一個極度休閒的地方嘆一個意大利下午茶係咪好正呢？不過重點唔係d食物度，至緊要係邊個陪你。

原本以為那裏的山路比較易行，係website看到的相片都好似唔易行，但原來第一段路係要不斷行樓梯，所謂「上山容易落山難」，應該剛剛調轉吧！好彩沿路的風景也不錯，還有點涼風，未至於汗流浹背！阿衡行慣山當然輕鬆啦，幸好好快就行到去觀景台啦，不過太陽都落山了，天色快黑我地就快快手落山啦。

遇見分叉路，好彩有個鬼婆係一邊行過黎，起碼知道跟佢行實無錯麻，不過落山的路也不易行，天也黑了，我看不清楚路，幸好有阿衡係度，跟佢行實無錯啦@@

好不容易行到落山，行到肚都凹埋，但愉景灣好似無咩岩食，於我地出返中環食我地朝早想食o既「添好運」^^

d人話要排好耐，但可能已經夜晚了，只係排左一陣就到啦！第一次食乍，聽閒佢好出名，但都未試過因為我好怕排耐隊，但我反而好想同阿衡去食，因為我知佢都好想試，乘機可以傾下計麻^^

我地食左佢至出名的菠蘿皮叉燒包，果然好味道！其實我都好鐘意飲茶架，好耐無兩個人飲茶啦，2個人叫左8籠點心，但都好彩食哂！

已經好飽了，但阿衡提議食埋糖水^^，我地搭丁丁落大坑o既「小甜谷」，差點傾到唔想走呀，但因為明天我要返工，也要「迫住」走人^^

阿衡又再提議搭丁丁送我回家，本來我諗住搭巴士架，但佢話想陪我一齊行上山^0^。我地係樓下傾左好耐，企係度傾都傾左2個鐘！臨走前佢輕輕地攬住我，我更加肯定佢係鐘意我的，而我都好開心，因為我真係好好彩可以比我遇到一個適合自己的人，我會比以前更努力去守護住佢。

不過我們都未肯定關係架，因為佢始絡未開口，但我都好滿足，知道佢心意，只係佢比較怕醜，或者有一天當大家都覺得係時候時，所有野都會好自然咁發生。