再戰shopping！

星期六去左旺角shopping！好耐都無去shopping啦，就係因為太耐無去，一去之下又比我買到野啦^^，係聯合買左一件淺灰色冷衫，個sales原來都係ive畢業，佢還以為我也是今年的畢業生，其實我ive畢業左都成10年了…..但好開心佢會覺得我係同佢一樣大喎^^"，我都無講比佢知係10年前畢業，只係是旦講話幾年，哈哈！青春真係女人的恩物！就算你年紀唔係青春，但心境也要年輕，那樣子看起來也會年輕啊！

係新之城買到對jelly beans靚鞋，有我至鐘意的蝴蝶結！個跟又不是太高，是我的心水呀^^，應該可以著好多次都不怕腳累啦，$450都不是太貴了，應該始創會貴一點點，好在我忍手無買到^^

期間都同阿衡message，雖然佢返工，都不忘同我傾下計，大家聯絡一下，雖然一人行街都有2個人的樂趣呢，我不是一個成日要人陪的女仔，有時我都想有自己的空間，做我鐘意做的事，那不是要冷落誰，因為有些活動的確係女仔做比較好d，我寧願事後和對方分享喜悅，希望對方會因為我的喜悅而快樂吧。

原來阿衡星期日攞左假，本來要返夜的，但因為夜更多左人，所以佢可以放假，加上就算佢返工也可能要去頂更，咁寧願放假好了。咁當然佢係想約我出街啦，我提議去愉景灣，好似幾休閒，又有山行下又有野看！好似幾岩我地喎，希望明天開開心心吧！