突然的見面

今天一早起身已經覺得眼晴勁乾，可能呢2日都無咩點訓，搞到無咩精神添，返工無帶con，帶左黑膠框眼鏡，感覺不錯，起碼眼晴覺得舒服些。

放工前的突如其來suprise！阿衡返左局，入到黎我都嚇左一嚇，因為佢今日係放假o既，而且佢剛剛message話我尋晚坐係度訓左好耐，我諗住佢今日都要留係屋企休息下，佢又話一陣想上山跑陣步，點知過左2,3個鐘佢無啦啦入左office，同阿sir講話黎拎返d野，咁岩都差唔多5點了，我都差不多要放工，而戴sir都要放工了，時間真係夾得勁岩，我和阿衡可以一齊走啦。

阿衡問我食左野未，原來佢只係食左早餐，到5點都未食過野落胃！會餓暈喎！問我一唔一齊食下午茶，咁我當然話好啦^^

本來佢想去食壽司，但下午茶唔洗咁激動呱？^^"，我地就去左食魚蛋麵啦。

阿衡雖然比較少機會同異性相處，但佢都好有風度，又體貼(我要求低，只要有人做到少少野令我覺得好特別，我就會好高興^^")，希望佢比到我呢種感覺唔係一時三刻啦，我們熟絡都係呢3個月的事，有好多野要慢慢了解，時間可以證明一切。

我地係魚蛋麵店坐左好耐，傾傾下傾到d男女感情野喎，我開始了解佢係呢方面的看法，和我想像中一樣，起碼唔會令我反感，覺得佢個人幾正義和正氣，唔係d花花弗的人。唔知佢覺得我點呢？佢想問我以前的事，不過依家諗起，我的故事只係冰山一角，同普羅大眾遇到的事都差不多，沒有甚麼驚天動地泣鬼神，我都好興幸現在的自己，沒有甚麼大違憾，繼續向前看就可以了。

每次臨走前我們都好依依不捨(起碼我覺得係)，阿衡陪我等巴士，臨走前還同佢講笑18X就快成功爭取開到零晨12點，到時佢黎筲箕灣返西環都有車搭，唔洗下下趕尾班車啦^^，估唔到咁講都可以笑左好耐，上到車還望到佢眼望望，望我坐係邊度，我們會再見架麻，小心過馬路呀^^"