第二天的約會

星期日阿衡約我去睇「彊屍」，好耐之前阿衡都想陪我睇，佢同阿哥和細佬一齊看戲也不看呢套，因為佢話想陪我看麻。呢齣戲無驚嚇的場景，反而劇情情節比較多，戲中的老戲骨表現令我十分滿意，不造作很自然，你會感受到鮑起靜失去丈夫的痛苦，盧海鵬演繹看更很神似，我很喜歡看他們的戲份，同一般要呼天搶地的表達手法更自然有深度。

有d場口都好嚇人，我忍唔住meat住阿衡隻手定一定經^^"，我都未同過男仔睇鬼片，本來都以為自己會好嚇，好彩唔係太多血肉位，對我黎講係非常可以呀^^

阿衡問我平時係旺角行咩地方，諗住陪我行，但我知道我喜歡行的地方都是女人世界，都唔岩佢行，怕會悶親佢得黎我又未必盡興，shopping呢d野留返比自己享受吧，同女仔一齊shopping點都會盡興d，同男仔就行其他地方或者遊山玩水好d^^

行左一陣旺角我地去左尖沙咀食烏冬，呢間烏冬我未去過，好得意有趣，order烏冬係排隊叫咩款o既烏冬，跟住夾想要的天婦羅或壽司，然後自行放葱和彊絲，再推過去就係埋單位。除了夾烏冬個下係廚師做之外，成過過程都可以親自做，真係有佢辦法，令到成件事都有趣左，就好容易再有下一次幫襯^^，而且價錢唔貴，可以一試呀。

一邊食我地一邊看回尋日d相，大家一齊分享那份歡樂，雖然唔係d咩野，但知道有個人唔會只係想討好一個人咁簡單，做出黎o既野都係出自真心的，我覺得呢d才叫真情流露，起碼我明白將來呢個人都一樣會咁同我相處，因為呢個係佢o既性格，唔係造作。

食完飽飽多數都會四周圍搵野逛，為一陣甜品之路作好準備^^。去左海港城行下，影下燈飾，今年的燈飾好似麻麻地，無前幾年個d咁靚，我記得剛出黎做野個年，海港城個聖誕主題都係金色為主，沒有太重的商業包裝味，金色和聖誕節真的很配呢！但之後個幾年都一般般，再無一次我覺得可以超越那年了。

當然又係影左陣相，比我發現左一樣野，依家d人個個都追求攝影技巧，個個人都拎一大舊錢去買靚相機，但我覺得唔係用靚機就等於影到靚相，曾經叫人幫我地影相，本來見佢拎住部靚機，應該攝影有一定技巧吧！點知…..都係差dd。我唔係話我影相好叻，只係覺得相機唔係重點，其實用部咩機都可以影到靚相，只係覺得花多點時間去研究搆圖技巧會比較好，多點學習捕光，起碼令張相望落清楚，已經好重要。當然，基本自己部機點用，都要好好學習，其實搆圖靚一樣可以係張靚相^^

我們之後行去糖仁街食糖水，我們每次都會食糖水作一個總結^^，我們都好擔心會越來越肥呀^^"，不過無法啦，甜品真係一個可以令人有無窮快樂的食物！將我地的距離又再拉近左。

阿衡有次問我，問我屋企人有無問我點解呢期出多左街食，佢話媽咪有問佢，不過至搞笑係佢媽咪問完，最後只係問佢回來飲唔飲湯！哈哈！
我們連續兩日去玩啦，呢2日都好開心，不過就好累啦！阿衡第二朝話我知尋晚坐係度訓到天光….因為用用下電腦太累關係。而我雖然無佢咁誇張，不過都有合眼訓，返工係巴士度還訓到落車添呀！

究竟你可以為出街見面，可以去到幾盡？@@"