請淡定

尋晚比較夜訓，但見阿衡12點幾就關了fb message，諗住問下佢訓左未，見佢無反應就應該訓左吧，2點幾鐘我先執野上床訓，看看手機見到12點幾鐘send比阿衡的message顯示為「看過」，以為他醒了，手機顯示他之前用fb的時間係17分鐘前，即係之前醒過啦，不過佢無回覆我，到我上床前又message他，仍然沒有回覆，但隔了幾分鐘又顯示「看過」字眼…..點解會咁奇怪架呢？

今朝阿衡7點幾message我話12點幾就一訓到天光，但我很有疑惑呀，於是問佢不是有醒過嗎？他又說沒有….

雖然唔係咩大事，不過係咪又係我想多了？其實fb也未必代表d咩，我又未是真的在他身邊又點知佢係咪真係有醒過喎？無理由令自己諗太多的，唔係應該要相信佢嗎？

每個人都有些少秘密，何況佢未必有咩事要隱瞞我吧？這些只是小事，更何況唔應該用fb黎做一個工具去令自己胡思亂想太多，始終若真的有咩事，始終有一天會也瞞不過我。

我和阿衡的關係真係好奇妙，不是情侶卻有這個感覺，明顯他已想約我生日出來，是他覺得我無人陪，還是真係想約我出來呢？我是否又想太多了？

我不需要向其他人隱瞞甚麼，我很想坦白一切，只要對方想知我也很樂意與之分享，無野可以比坦白來得重要，這令彼此來得更信任，更令對方有安全感，所謂無事不可對人言，我亦知道每個人都有秘密不想同人講，美麗的謊言和隱瞞總會有的，不過若對方知道了，也不要再瞞過去了，或者講出黎並唔係一個錯誤呢。

唉….無辨法，可能我天生無咩安全感，對人對自己也是，又對自己信心不大，以至對人的信心也不大，希望日後對方可以令我對一切改觀，而自己都會提醒自己要加大信心，不要再胡思亂想了。