進與退一樣難

這個日記好像在連線上有問題，已經兩晚無端端有network error。呢幾日寫多左日記，因為內心有很多事情諗，情緒起伏不定，或者站在「是」和「非」之間的心情係特別矛盾，想後退又不懂得，想前進又無從啟示…..

究竟這個日子幾時才會完結呢？真的很想平靜下來，再無甚麼煩惱事出現了。

諗起男女之間的感情瓜葛，我是個不懂與男孩子相處的人，係我的生活中，男仔的出現是為了和女仔一齊，如果要一對男女做朋友的話，我真的很費解，因為我覺得無咩可能，除非，一開始大家都已經有這個「做朋友」的感覺，條件上只係歸入朋友行列。所以一有男仔埋身，我的第一個反應都很緊張的，不知他想點，我也不知自己想點，如果對對方有好感，當然係順理成章可以發展一下，不一定是男女朋友關係，起碼個感覺是舒服的。

有時都覺得自己很不對，我唔知算唔算不對，亦唔知係咪叫正常，如果有個男仔對我有好感而我不太受落的話，我對佢都會比較冷淡一點，條界線很清楚的，因為我唔想對方以為自己有機會，而令佢誤會左。我知道有些女仔(或男仔)，如果知道有人喜歡自己或者對自己有好感，都會「用到佢盡」，搞很多事情出來令對方誤會，做自己的「觀音兵」，既不會考慮他，但又不會應承他些甚麼。結果令對方進退兩難，想離開你又不捨得，想接近你又不能….

不過如果唔相處一下，又點知對方岩唔岩自己呢？只係問題在於，你覺得不岩，但對方不是這樣諗。咁就要睇下點令兩個人都有個舒服的位置再相處了。

至於阿衡，我都形容唔到依家我和他的狀態是甚麼，雖然我們有好多機會會遇到對方，但實際上會成個星期都未能遇上，只能靠電話知道對方的下落….我不知這樣下去會唔會影響事情的發展，不過我知道現在周不時心情都會很矛盾，會諗下其實我們可以再發展下去嗎？會唔會係我諗多左呢？

不過到最後我都會停止再諗，由得事情慢慢進展，咁樣反而令我開心點，聽下歌輕鬆一下吧！