畫清界線

尋晚本來係一次開心的聚會，因為阿芬生日，我們幾個舊同學約左出黎食飯，難得一次又再重聚為朋友慶祝，我的確係咁諗。

但原來有好多野變左就變左，大家的諗法已經不再相同了，而我，還是當年的我，一點也沒有變過，變的只有年齡的增長，我仍然保持一顆天真的思想，一切諗得好簡單，而我仍然以此為榮，因為人本身就是這樣簡單，只係身邊的人和環境的改變，令人以為自己複雜了。
我們對於愛情的諗法很不同，他們說成全世界的男男女女都是一樣，是衰的，無個正直的，他們說，如果我仍然保持這種單純的諗法，呢一世也很難搵到男人，依家d女仔個個都係咁架啦，無論男的有無女朋友，或者連自己都有男朋友了，都會周圍搵人「玩」，玩的意思係逢場作興，亂搞愛眛關係，令關係變得更雜複…..

他們說，現在時間所限，如果再咁慢，如果再照我的想法去遇到你想要的人，係好難的，因為我希望遇見的人極之少，其實已經無了！我應該set一個時間比自己，去搵到一個男人。

而我一聽到他們說「時間有限」，我便很傷心，因為我唔明白為甚麼要比時間限制左自己，而要快快手去搵到一個男人，甚至他們所說，要「吊」多幾多男人返黎。我明白自己年齡不小了，但也不應為左呢個原因，而匆匆搵男人，我唔知其他人明唔明我講咩，但我真係好想令他們明白我的想法，但原來無可能的，他們只覺得我咁諗很笨，到我忍不著流淚了，他們才收口……

現在的我很好，真的，如果比起從前，我有男朋友，但不開心，因為無人明白自己，希望對方和自己的說有笑，無所不談，有共同的目標，互相愛護著大家…..但這些都是我所想，事實並唔係咁…..

點解無人覺得現在的我很好，因為得到心靈上的釋放，不過受之前的事情再次悲傷了，一段戀愛的開始，必需要由自我調節做起，如果人不開心，又怎樣開心去面對一個新戀人？以他們所講，我需要很快很快去做呢件事，只係因為他們不明白我，不明白甚麼叫愛，他們的眼中，得到一個戀人實在太容易了，只要你懂得一些男女技巧，要找到有何難度？但他們卻不明白「吊到」和「遇到」的分別，比你一次過有十個男朋友又怎樣？呢d叫愛嗎？

我未算是基督徙，但我起碼知愛並唔係佢地所講呢d，我知道呢個世界有很多衰人，而且數量不少，但我仍然處於一個樂觀的想法，而我覺得我仍然是不變的，你可以說我很笨，但我的確係咁固執，因為愛並唔係佢地所講咁。如果要我說遇一個咩人才是對，其實係無一個說法，在當時，當一刻，你覺得是就是了，時間對了，人對了，他便是他。

他們說我咁諗不對，我怎知他是我所講的人？佢地一樣可以是衰人…..那又怎樣？橫掂在他們眼中，全部人也可以是衰人，就算我覺得對方好，也改變唔係佢地想法，問題係，只要我覺得開心，我覺得對便是啦。如果對方到頭來有甚麼問題，都是我們之間的問題。

我那些所謂的朋友，沒有站在我角度去想，對我覺得開心的事，他們全覺得是有問題，我的想法，他們覺得天真，白痴…..令我再次覺得，我們的距離越來越遠了。

我知道一定有人會明白自己的，在我傷心的時候，一定有人會站在自己那一邊，無論甚麼也會支持我。

寫呢篇日記同時，我仍不斷流淚……傷心，並唔係因為吊唔到男人，而係一直以黎，呢10年的朋友，他們沒有站在我角度去想，以為這叫「教精」我，他們見我傷心才說笑，話我呢種想法可能才會開心，因為看不到邪惡。但我可以同佢地講，上帝也知道世間有邪惡，但佢仍然創造呢班人出黎，有咩用？世界本有善有惡，上帝仍叫人去愛，學習甚麼是愛，並唔係佢地所講咁，我覺得他們咁諗問題只會發生佢地身上，佢地所講的故事和經歷，都係會不斷發生佢身上，因為呢d想法已注入了，他們的世界就會如此。

其實佢地所講的並無錯，世界係好多衰人，我明白的，我不至於連呢點也不知，但如果要我搵手段得到一d野，過唔到自己個關！亦唔係一件對的事！對的人，就算比你用呢種手段得到，我的心絕不好過！亦不會長久，因為對方也知的，除非對方很笨，笨到發生緊咩事都唔知。如果對方知，即是說，日後也有可能用同一方法去對待你。

他們覺得這是定理的話，這些所謂的定理都好容易發生係佢地身上，我不是那種人。