不懂攻心計

自從入返摩星嶺的LINE group後，電話響個不停…..尋晚訓覺仍然不斷咁響，d人係局真係無咩野做？咁無聊不斷send message….？最後嘗試搵下有無得令呢班人靜音，好彩真係有喎！終於可以訓覺了。

雖然都係早訓，但一旦上床都會有種超眼訓感覺，四周漆黑一片的感覺真好，有微微的冷氣伴著我入睡，休息過後又係另一天新的開始了。
呢兩日又開始落雨，感覺上好似涼快左少少，夏天就係咁，落一個星期又好兩日天，不是曬破頭就係落到九彩….可以有中庸之道嗎？

我也尋找緊甚麼是我的中庸之道，不要太緊亦不要太鬆，起碼感覺到舒服和適合，有人也有同一個想法嗎？

對於一些攻心計的人，我不予至評，世上何其多人，你又點知對方真正的目的是甚麼？或者呢個係弱肉強食的社會，人與人的關係也是如此，我不喜爭，一個真心喜歡自己的人，就算有其他人欄腰阻撓都不會受影響吧？如果咁容易就比人影響到的人，係身邊只會覺得日日擔驚受怕，亳無安全感可言。愛人如愛己，如果連自己都顧及唔到，左右也不是的人，點去愛護身邊的人？他根本不懂。

我也要好好愛護自己，珍惜自己才懂珍惜別人。