慣性

尋晚約了朋友到銅鑼灣買野，等左佢好耐，差唔多2個多小時了，銅鑼灣無咩野可以比我行咁耐，又沒有錢可以買咁多野，唯有行，不斷咁逛街啦，一邊行一邊等。

當我獨處的時候，腦裏面又會好容易胡思亂想，我不能停止佢唔諗，每望到一d野，總會令我諗起很多野，或者我以前一直都會諗起對方，看到甚麼可能岩佢用，佢會喜歡的….這是一個長久的習慣，所以我的潛意識都習慣了用這個方式去思考，但越係咁，我就覺得越不開心，呢種習慣幾時先可以停止？

我不喜歡有一種憤怒的感覺，我只想放下那件事，別人都只會覺得我執著，但無人能夠明白一直以為你得到的愛，到頭來只係一場自我保護的遊戲，每個人都搵「後著」，為了保護自己，另找出路，卻忘記了對方的重要性，應該可以話，根本無諗過理會咁多。

我不想思考咁多，不想諗太多猜測咁多，我不想我諗的是事實，我只想停下來……諗，都已經諗了一年了，還不夠嗎？

我說過要對自己好點，再咁諗，胡思亂想，對自己就是不好…..有時我的確可以停下來不諗，突然間思想很正面，但有時卻停不了，不斷自我否定，憤怒，傷心…..

有些人可以立即放下，因為佢地覺得決定無錯，快快另開一段新感情，但我不行，原來我是不行的，因為即管理由充份，但人始終有感情，有一個慣性，需要一段時間的休息，但要休息幾耐呢？幾時先平伏到呢？以我這種性格的人，只有令這個慣性慢慢減退，就連對方的樣子和聲音也差不多忘記了，應該就差不多了。

你已把我忘記了吧？恭喜你。

我也要忘記你，祝我成功吧。