無視就對了

人生第一次可以咁快放工回家，5:30pm離開，不到六點我便回到家了，今晚約了Eva食晚飯，時間尚早還可以留在家上一陣網才出發呢^^
今日實在很輕鬆很自由的感覺，每個要去的地方都係我計劃之內，很順利地到達，又沒有落雨，個天實在對我好！^^"

今晚和Eva到雅蘭中心的和民食，Eva係一個好難約的人，因為佢工作比我忙好多，所以我多數做等人的那個，但咁難才約到，見到面才覺得珍貴呢！

我們一見面即傾唔停口，講了很多自己的事，當然也會有少少激動位，但明顯一次比一次控制到，我開始明白我們的分離是不無道理的，連個天都做埋比我睇，我可以不相信嗎？個天比哂證據你，叫你去面對了，你可以不聞不理嗎？盲目處理只會做成更大的傷害，有些事係不捨得，但又如何？初時我都會苦惱，苦惱的不是因為大家分開了，不知怎算，而是，我竟然用上這麼多時間，曾經感受過那些不委當的感覺，但卻置之不理…..到了現在才放開，才去面對，是對自己太殘忍嗎？心有不甘嗎？

沒有甚麼叫遲或唔遲，現在才發覺也不算太遲，好好照顧自己吧，希望他是一個重視自己，又能夠照顧自己的人，起碼，我感覺到同呢個人一齊係舒服，感覺到佢對我的真誠。

Eva工作上都有很多冤情，佢上司和我以前的上司性格很似，都係把口勁臭，以口傷人，講野唔洗負責的！呢d人我真係不敢久同，所有說話都是作多過事實，如果一不小心相信了，就會打擊自己的信心了！所以真係要不斷同自己講，你係得o既，並唔係佢口中一無事處！要永遠記住。