一切要小心

今朝返工，係觀龍樓附近發生左車禍，我見到一攤血、一隻鞋和一部買餸車，心諗很不妙，應該是剛發生車禍吧！馬路上有部運石屎的車，不是被呢部車撞呱？很傷吧！？警察已經封左路，而傷者早早已經移走了。

雖然我無看到意外發生，但感覺卻像在眼前發生似的，很可怕，我繞過石屎車時，我感覺到心是寒寒的，行返公司的路程上也很不開心，亦很不安…..想起她的家人一定很傷心，不知是生還是死，不過我覺得就算生還，康復的時候也很長。

從阿sir口中得知，那個被撞的是阿婆，石屎車本來是很慢很慢地駛過，那個阿婆應該是行得太近部車，被車撞跌了，因為石屎車行得太慢關係，司機根本唔知道撞到人，繼續行駛，結果，真的很可怕，車在阿婆身上「慢慢地」搌過……最後，阿婆的一隻腳和一隻手被搌至爛…..送院時是清醒，阿sir說身體沒有受傷，所以不至死亡。

我真的呆了一呆，如果係我一早就驚到暈左，差唔有成半邊身都爛左？簡直無法想像，以後生活如何呢？家人要適應如何照顧佢，傷身本身除了身體康復外，心理上都要一併照顧埋，始終臨老才遇上不幸，的確係好難接受的…..

希望身邊的人都要小心，至緊要身體健康。

今日lunch無端端有住家飯食，因為有人報多左飯，所以有救護請我食一餐！他們話辛苦哂我？點解要辛苦呢？有免費飯喎！原來…..佢地意思係廚師煮o既野食係好油和好鹹….怪不得啦，果然真係好油，明明好地地一碟菜都可以咁鹹，而且d油多到…..我都分不清係油還是水了….

一人分量有3碟小菜和湯，除了菜芯外，還有炸魚塊配雜豆和矮瓜炒魚餅(辣)。3碟都好油而且好鹹，本來以為魚塊望落好似淺色d，應該淡d呱？原來佢係落左好多胡椒粉！本來我鐘意食雜豆的(非常小朋友^^)，但d雜豆都好鹹，要食好多飯先化淡返d味……

我對食都無咩特別要求，而且沒有偏食，但都感覺到那種無奈，食一餐半餐都還可以，如果天天食真係會唔健康，都係食返自己個飯盒算了。

不過我就唔太好意思，因為要華姐幫我拎d飯餸出來，我好似個大小姐咁坐係度等食！非常之古怪，但佢地個個都係咁，唔知係咪包埋「服待」呢？可能我比較奴隸命，唔慣比人咁照顧法，非常是自己愛的人啦^^

p.s. 只要你堅信內心的信念，幸福是離你不遠的。