心存感恩

呢2晚都夜訓了，其實都係12:xxam啫，不過之前慣左早訓，有時10點幾就刷牙訓了，反而覺得健康好左，皮膚都好左。以前夜訓因為好想用電腦，上網有好多野睇，有時搵d文章看看，搵d有趣o既網頁看看，facebook留言，玩玩遊戲…..實在太多野做啦。

現在不用等別人的電話，所有的關心都留給自己，只要照顧好自己就足夠了，最緊要身體健康呢。

其實就算有男朋友，也都應該要好好照料好自己，雖然我都好想對方關心。記得第一次佢病了，朋友叫我要過去佢屋企陪佢食飯，佢一定會好開心，我就陪佢去左海皇粥店食粥，最搞笑係我發覺個度d粥係好油的，病人食呢d粥其實唔太適合，但佢都肯陪我食，我反而唔好意思，唔知佢係咪真係好似我朋友咁講，覺得開心呢？

其實我病左，佢都好關心我，雖然我知道佢做唔到d咩，但你會知對方著緊你，但點解到左後來，我們都變得不太在意，而且會開始埋怨呢？

一直以來我都係自己一個人，無其他人因為我病而特別關心我，直至佢出現我才第一次感受到別人的愛。但愛也會成為習慣，初初會很感恩，覺得感受很深刻，很珍惜呢一切的發生，但日子久了，呢d關心已經成為理所當然，沒有特別感恩，只有覺得是應該的。有期待，自然就會有失望，我同自己講，不是說不要期待，只係每件好事發生係自己身上也要感恩，即使只係一件微小的事，因為無一件事係應份發生係自己身上，有人為你做過了，應該是開心。

人傷心，永遠只想著不好的事，有些結是日積月累的。我會記得初時你的好，用這些好來忘記一些傷心事，但亦會令我難過，因為我只係沉醉係「從前」，我們有製造過新的美好回憶嗎？為甚麼要留下最後一件事，一件令我難以息懷的事呢？

或者我要思考的東西實在太多，但其實又唔係真係好多，事實已經擺在眼前，我都好明白現在我應該點做，新的生活等緊我，有很多開心的人和事都等緊我，既然每個人都想開心，再留係你的回憶又有何用呢？將來會有人接替你的位置，好好的懂我，惜我，愛我，我就留下這個最佳位置，讓自己快樂。

p.s. 尋晚發生左怪夢，點解佢會係我夢境出現？我只想發一個舒服的甜夢，一個唔關於自己的夢…..