不斷點解

今日心情不太好，一來屋企的事，令我很不開心，得不到別人的關心….

記得有一年又係因為同媽咪鬧交，獨自一人落了樓下公園喊，打電話給俊，因為我只有佢，只有佢願意聽我的話，記得俊還叫我等佢放工，會陪我食晚飯…..

雖然心情都未平伏，但有他肯為我花時間陪我，有他聽我講話，人得到依靠了，我希望得到愛我的人的依靠。

今日心情低落，但可以傾訴的對象沒有了，沒有人可以被我依靠，呢個世界沒有人知道，亦沒有人願意為我做甚麼，我只有自己一個人自開自解，獨自療傷…..我知道就算兩個人一齊，自己都要懂得照料自己，學習處理自己一個人的心情，或者以前因為有他，我可以將這個部份和他一齊分享，開心又一齊唔開心又一齊，漸漸習慣了兩個人，一個人的生活是怎樣的呢？要開始重拾這種感覺了，我相信….漸漸我會得的。

諗開他，又令我諗起很多「點解」，點解佢當時不明白？點解不懂得保護我？點解有個人出黎傷害緊大家感情都不理？點解點解….？

相信我永遠都不會諗通，就算諗通了，又如何？

是我們未能再行前一步的警號嗎？個天告訴我大家還未準備好嗎？有些事暫時解決唔到唔緊要，有另一個人阻住，挑撥，另一個人又聽又信…..未面對問題之前，就自己搞單野出黎煩，加深問題…..他不愛我了嗎？我才是你們的阻擾嗎？

天呀…..我不想再諗了，讓我安安靜靜地生活，忘記從前的他吧。