生離死別

下午都不斷問那個問題，因為真係諗唔明白，點解上帝要安排有些人咁早死，令身邊的人傷心….

食完lunch落街行，見到一輛賓儀館車，裏面有d著孝服的人，神情憂傷。唔知點解我諗起人生由生老病死，係自然不過的事，無論你是好人、壞人、熱愛生命還是厭世的人，都走不過這條路，開始和結果都係天定，但中間的過程卻可以人人不同，有些人只可以在短時間內完成他的路，有些人明明健健康康卻要草草了結生命，有些人明明很熱愛生命卻比人早走一步…..但無論過程係點，大家的終點都一樣，只係有些人比較早一點上天堂。或者會覺得我講左等於無講，人人都知道的道理，但如果你一日不接受這個是事實，這個疑問一直都在。

記得阿豆離開我地個晚，收到呢個消息都令我接受不來，加上和俊的事令我一時進入苦不堪言的死胡同…..我真係好傷心，傷心到唔想再諗正面o既野…..到送阿豆至後一程，我仍然很傷心，走不出來….有人會明白那種痛嗎？重未接觸過生死，一發生就發生係自己朋友身上，生前和佢有講有笑，佢係一個樂觀的人，很容易開心，亦很重視朋友…..但他已經離開了….而俊….你可以讓我安心，再次感受到你對我的專一嗎？

不要再想了….

我們見到死亡會好傷心，會不斷反問點解點解點解，有很多的「如果」，如果唔係咁，就不會發生了！如果我做好d，件事就無咁壞了！我想起自己…..我還有很多地方要改進，希望上天會給我機會，讓我證明比自己睇我終於得左，可以繼續走去另一個人生階段。

可能天氣影響吧，今天特別想起他，想起從前的他，一諗起他對我的好，但一陣卻又諗起他對我的不好，覺得很苦惱…..我知自己不能再這樣，起來吧！出外行一陣或者會令心情好些，唔痛苦過點會長大？點會知道將來的好？我要感受將來的空氣有幾新鮮！依家辛苦少少，讓我學習忍耐吧！

將來的人也很期待我快點出現，令他不至於孤苦伶仃，但我出現之前，我會努力令自己進步，做好自己，開開心心咁遇見我要遇見的人。