Someday I’ll fly, I don’t want to hide

尋晚睇左GEM演唱會，睇得佢演唱會，就要抱住一個將會比佢用歌聲炸爆你耳膜的心態去睇，用「炸爆」真係無講左，一連串的快歌，舞台的燈光和大銀幕的效果都會令你的眼睛和耳朵進入極度癲瘋狀態！尤其是佢唱個首「你把我灌醉」，可以用神級形容，我差點以為紅館會因為佢咁勁而爆炸^^"。

GEM唱了兩次Someday I’ll fly，還記得剛剛接觸呢首歌時，我一聽便喊，個時o既我係極度唔開心，而且無人明白自己，而自己亦好收埋呢種情緒，壓力超大。當聽到GEM係演唱會講佢有段日子又係極度唔開心，我覺得同自己的感覺很似，我唔知點講，好似大家都係同樣面對呢種痛苦的感覺一樣，而佢到最後靠住信仰，渡過了這個難關。

GEM自彈自歌左首英文歌來多謝上帝，很感動的一首歌，我真係感受到佢的感恩，而我身處其中，我亦都覺得神與我同在一樣，很奇怪，就算聽演唱會都會令我接觸到祢，實在太神奇了！我發覺自己都要不斷感恩，不斷咁諗返呢一切得來的東西都唔係靠自己得返黎，因為人只係一個妙小的東西，你想控制哂全部？根本無可能。

現在我終於可以釋放自己的情緒，不再收埋，放下壓力繼續生活。但願將心情調節好，多點感恩，多點想想自己還有進步的空間，相信我會越來越快樂，就好似當初無憂無慮的自己，一樣可以快樂過日子。

從未試過睇演唱會咁大感觸，流了幾次淚…..但我仍然很開心，因為內心是充滿溫暖和希望，希望有一天回望今天，呢段日子的修練是值得的！