抹去不安感

尋日約了舊同事食飯，算是同事嗎？大家不是同一個部門工作，只係每天係公司出出入入都會見到，漸漸就熟絡起來，那時公司裏說話要好小心，而我都係一個好小心的人，怕會因為想同人傾訴而找錯了對象，最後變成人家的話柄就不好了。所以個時有咩事都會收埋，唔敢同人講，提也不想，彼此同事間只係用暗示的方式說話，因為大家都好怕自己「賴野」。

尋晚去左間叫pancake colour bar & cafe的食飯，今次Jack都賞面出席，雖然同佢唔熟但都知佢係一個正常人，唔係八八掛掛個d人。Ling姐和Jack都知我呢期發生咩事，但呢晚我地都好少提及呢個話題，佢地只係一時想知道咩原因發生呢件事，但都係好老土個句啦…..不過佢地知道o既野太少了，有d事我都唔想特別講，因為講左佢地都唔會明白，而且佢地唔需要咁明白呀。

的確，呢幾個月黎我都生活係壓力之下，表面上d人以為我好開心，好幸福的樣子，我都唔可以否認，係有過一段時間我係諗過要忘記一切，但後來發覺根本無可能，身邊唔少人都唔明白我，唔會企係我的立場諗下，留低的只係一面的指責，覺得係我的問題…..所以內心的壓力更大，既不能向人傾訴，又不能表現出負面的情緒，壓力真係想像唔到…..直至有一刻我真係忍受不到了，我寧願放棄，甚麼也不要了，我要由頭做起！

這個決定是如此的痛苦，但痛苦過後，我發覺決定係100%對的！內心的壓力少了很多，我終於都得到解放了，之前抑壓著的感覺，終於可以一次過抒發出來，好好地醫治自己….

初時內心都會很不安，人覺得恐慌，因為他們對將來不肯定，看不見將來是怎樣，結果經常性焦慮。我也不例外，回想起IVE時，第一次感情失敗，自己用上不少時間去淡化件事，但只係拖時間，心中仍然很不安，表面上係接受左件事，但有時都會好不安，情緒很低落…..

但依家我選擇隨心，真的很想調節返個人心態，以前我很懂得打理自己的生活，因為知道自己有能力去控制，想做咩就去做，反而覺得那時的自己很樂觀。到拍拖了，就很想別人照顧自己，很想對方為我打點一切，因為總覺得以前太累了，很想有一種被照顧的感覺。但日子久了，覺得對方對自己的照顧少左，還要去顧及太多其他事，問題不斷咁出現，由初時的開心，變成擔心和憂慮…..

我知道2個人相處係要不斷咁學習和改進，當然一定會有起有落，這是同單身的自由自在不太相同，卻有佢的可貴之處。我仍然很想去學習這愛情事，對愛情仍然充滿好奇，不能放棄！希望能遇上一個頻率接近的人。