日記你好！我們又見面了

真的很不可思異，3年前這個日記消失了，以為從此就消失要永留心中，今日佢終於都再次「復活」了，好似找回一個久別重逢的老朋友一樣。

它的確是我的老朋友，由我少女時代已經倍伴了我十多個年頭，由我初戀、失戀、再戀，再失戀….呢十幾年黎佢都一直陪著我。

今日佢終於返回我身邊了！不過我發現呢個日記變成一個要比錢才能寫日記的地方，似乎意味著我和它要有金錢上的交易才能好好維持著「友情」。
但十幾年的感情，幾百元係咪值呢？如果我要繼續運行這個日記，當然就要比呢D錢啦。

最尾一篇日記睇返真係感觸良多，我和衡最後也分開了….原來時間真係可以令我睇清一個人，無論佢之前對我有幾好，「我以為」佢有多關心我都好，原來時間一過，人的真實品格都會盡現，自己回頭看來，好多野都係一廂情願咁去諗，以為一切都好好了，以為他是一個適合我的人了，但日子有功，性格係點就係點，你想係我面前表現出一個暖男嗎？唔係就唔係，性格是一時三刻點會改變到？只有用時間去認清對方，才講適唔適合自己吧。

我唔敢講我和以前的心態改變咗，因為打從心底，我的心仍然渴望得到一份真愛，有時看到別人求婚的消息，自己好替人開心之餘，也會期盼有一天自己可以找到一個懂得愛我的人，不再令我流離飄泊….我很想安定下來好好去愛一個人，兩口子分享著快樂，分享生活，好好過日子。

雖然我唔知還可以做D咩，生活開始從回正軌了，無之前咁慌失失，一切好似有了一個定位。成日都同自己講，做好自己，要遇上一個適合的人，首先你要做一個適合的人，起碼思想成熟度要夠，起碼知道自己點要D咩，能夠向著正確的方向找到一個適合自己的人。

我都好開心自己遇上了日記呢樣東西，好多時自己都會諗好多野，好想同人分享自己所聽所聞，我相信總有人會欣賞我呢類古靈精怪的人，我不怕別人怎樣想我，只要喜歡我的人喜歡欣賞我已經足夠了。

P.S. 呢幾年自己都改變不少，可能傷過幾次，有好多野都要重新檢視是否如自己所想，係咪要轉變一D看法，交換角度去諗，或者會有另一番感受和領悟。