天氣不好

　　一連幾個星期都無乜邊日係好天，落雨落雨落雨…連我上星期去日本旅遊時都一樣，咩 mood 都無晒。箱根果 part 承認有安排不當，表面上睇落山上交通工具班次多，但原來想兜足一圈的話實質上只能選某幾個時段出發，係有 D 失敗 =.= 不過浸溫泉果 part 非常好，房內獨立的半露天溫泉，確係令人身心舒暢~~

　　今次日本旅遊因為天氣關係唔係去好多地方，反而好多時係幫朋友購物，半個篋去，三個篋返（當然我自己都有買好多），如果唔係坐 business class 的話肯定會變成 over weight 😛

　　由於我本來已經係再之後一星期有一個名古屋的 business trip，咁橋有第二單 job 係東京於是變成我提早過去日本，終於有機會感受下坐新幹線極速穿州過省的感覺，而來緊呢個 trip 應該會係打破 2003 年廣西 business trip 離港日數最長的紀錄（十年前廣西果次係一個月，今次大約會係四至五星期），但聞說五月頭日本有黃金周，似乎我都可以跟住連放五日假，如果係真的話我一定會去大阪同京都（神戶都有可能的）！！