都係要準備轉

　　記得初八去同朋友聚會加拜年時，在座有一位同我係同業，但佢經常會搵到 D 高薪但返到 office 又無所事事的工，我有講笑咁話「點解我搵工永遠唔會有呢 D」，即刻有位女性朋友搶答：「你怕悶，呢 D 工你根本做唔落去」，呢個的確係我心聲，於是又觸動到我想轉 team 的意欲。

　　本來香港 office 已經唔夠人手，一個高級的半年前晉身 project manager 後更見難以運作，只得我及一個 junior 的同事做「睇場」，由於我係唯一 officially 可以做 on call standby 的人，所以即使我有時係香港有空閒亦無法外出去承接外國 site 的 projects，只有非要我去或無人願意去（例如印度）先有機會，但真係絕無僅有。另一方面老細為推果位 junior 上位就將好多好的 projects 放到佢身上，只有一 D PM 指明要我或者係只有我先可以 handle（多數係 D short term 比較趕無時間俾果位 junior 同事邊學邊做的）先有我份。公司話有 headcount，老細請足半年都搵唔到合心意的，只係一味想完美地搵到佢想要果個，另外歐洲有同事有興趣 relocation 到香港但撞正 HR 改制話唔埋又要再等多幾個月，我想搵到機會接多 D 好 project 去升職真係變成妄想。

　　同老細多番交涉，甚至同佢再頂頭果位 acting director 多次詳談，都以為我係為錢而想升職，兩人都不斷以「HR 改制後就算唔升職都有唔錯加薪機會」去同我傾。老實講，on call standby 我有錢收的，出 business trip 又會令我膳食津貼減少（因為津貼係以在港上班日數計算），真係為錢我恨不得自己永久 on call standby 收錢都夠啦，我呢兩年年尾加人工個 percentage 仲少過我連續 on call 一個月額外收到既錢，為錢我根本唔需要咁樣浪費口水。

　　曾經有念頭浮現過，轉去公司另一個 function，從一位已轉 team 的台灣同事口中知道人工應該會向下稍微調整，呢個唔係我 concern，我只想有個好 D 前景。我女友都知我想衝，所以同居咁耐都無催我結婚，而我好希望能夠至少衝得上去，不論多少都好，能同自己交待，因為我的確唔甘心咁樣就一世。

　　一直以來都有 D 背後問題令我無真正行動，但前幾日某位來香港頂替我做事（咪就係因為我去了無人願去的印度囉）提醒了我一 D 事，我諗我應該要認真的實行呢個計劃。畢竟我都好希望可以一齊上軌後就再搞私人的事…