去完旅行

　　琴晚終於同女友去完旅行回港，五日四夜時間長短適中，雖然今次係本年度第四次去日本，但以放假 relax 的名義卻係第一次（我連 notebook 都唔帶，但最尾發現原來自己走果日唔記得係背囊 unload 部 notebook，不過無乜電其實都唔可以話係做到公事喇）。因為之前 business trip 儲落 D miles，令我暫時有幾個月的 Star Alliance Gold membership，選坐 ANA 去日本，帶女友見識及享用一下機場 airline 的 lounge，對佢來講都係新鮮的玩意。

　　今次住池袋，揀了一間距離池袋 JR 站只有幾分鐘步行路程的 The B Ikebukuro，感覺比起之前住的 Sunshine City Prince 更好（起碼唔會一入去就係聽人講廣東話先 XDDD），房間同 toilet 都大一 D，酒店內設有投幣式洗衣好方便。

　　7 號果日 landing 後到酒店 check in 完成已經四點幾，同女友係池袋範圍兜圈行下商場，晚餐去食香港都有分店的牛角（日式燒肉），但唔同的地方係日本果間牛角係有燒肉／飲品放題 option 可選的（我梗係揀放題）！！本日最 remarkable 的時刻…就係四點幾五點左右剛到酒店係房間整理物品時突然地震！！明顯見到房間內物品不斷震動的！！真係幾驚嚇，但望出窗街上 D 人好似冇反應咁 =.= 後來就網上見到新聞講話日本東北部發生黎克特制 7.3 級地震，基本上整個關東地區都感受到明顯震盪（我果位住千葉縣的朋友係下班時間都話震到火車都暫停返唔到屋企…）。

　　第二日大家都好懶訓，中午過後先起身出去，今次係離開東京都，去鄰近的琦玉縣同女友去睇蠟筆小新館，我唔係特別 fans 但我覺得離開一下東京都睇其他新事物都不錯。睇完就去返秋葉原行街順便幫朋友買玩具，我雖然唔係第一次來但就次次都覺得好過癮。夜晚就發生了一件事….部電話香了….手痕按了 update 之後就著唔返，唉…仲有好多相同 video 未 backup 呀~~~好彩今次係借朋友 pocket wifi 插卡用，所以後期就用部 tablet 去 search 地圖等資訊。

　　第三日約了一位嫁了去日本的香港朋友，去品川 EPSON Aqua Aquarium 睇海洋生物，女友一向都鍾情於海獅海豹類動物，今次特意帶埋佢 Hi-Dip 畢業袍過來一齊影相（俾 500 YEN 就可以摸下海獅同影合照，女友勁開心）。睇完 show 後友人帶我兩個再次出走，呢次係去神奈川縣的橫濱，感覺真係好不一樣，唔似東京都有咁多現代化高樓大廈，晚餐就三人一齊去著名的中華街試一試到底當地的中國餐館可以整成點。中餐放題真係第一次見識 XDDD 但係可能競爭大，大家都唔敢做壞個名，水準係仍有的，起碼有七八成似正常香港及國內食到的中餐，連同飲品埋單每位 2300 YEN 絕對化算。

　　第四日原本打算去上野，其一係希望睇下&#32005

;葉，其二就係入去動物園摸下動物，點知兩大皆空！紅葉只得極少，最多動植物的動物園範圍竟然係逢星期一就關門的！！真係估佢唔到…下午行下街買手信打算返酒店 unload 再出去，呢個時候我開始覺得唔舒服，休息了半個鐘後我忍到女友落了樓下買晚飯時終於都嘔晒出來，好可能係感冒引起的腸胃不適，之後堅持出去行了一段時間再返來睡到隻豬咁 =.=

　　最後一日當然唔能夠做太多事，夜晚六點半機但係連同坐車加提前入閘的時間，下晝兩三點就要準備走人，所以選擇坐車去附近的新宿午餐 + 行街。街外咁凍，回程時帶佢去機場 lounge 沖個正的熱水涼暖下身再上飛機，都算係一流享受 😛

　　下次好想去多 D 東京以外地區，例如大阪京都等等，有朋友將會去日本旅行，路線就係東京直玩到去鹿兒島，下次有機會都要參考下…