確定假期

　　飛咁多轉，今次….真係自己「科水」去旅行，哈哈…話說女友之前讀書畢業，我應承會同佢去畢業旅行，但因為好多工作因素在內的事令我一直都無兌現承諾。返工近兩年都無乜真正放大假（係年頭放三日假但之前開工日日通頂謝到之後都無心機玩），假期已經儲到爆晒咁滯，公司最新 HR policy 又加送 1.5 日假期，連同每年一月一日就俾定全年的假，再加埋 CL…粗略估計，如果我真係一月一號開始放 AL…應該三月中先需要返公司返工，哈哈~~~不過公司規定明年三月底前累積 AL 不能超過 30 日，所以一早同老細表明「唔到佢唔俾我放假」，咁當然老細知道唔可以永遠唔俾我放假…

　　見有平機票，又再去日本吧，反正諗唔到去邊好，再加上我倆年頭去日本都係因為我公幹，但做到謝晒無 mood 玩，再去就算補數啦，同埋女友好喜歡海獅海豹類動物，知道東京有水族館俾真人接觸不知幾開心。之前兩個美國 trip 令我在 Star Alliance 升到上 gold member 級別，選定坐 ANA 叫做可以帶埋女友入 business lounge 坐下，對佢來講也算一種新意。不過今次唔會住新宿，將會住池袋，話晒附近食同玩都方便一點，而家唯一希望十二月東京唔好咁凍。